اصنع منتجك الخاص، سواء لعلامتك التجارية الخاصة أو لتصنيعك الغذائي
تصنيع منتجات غذائية باسم علامتك التجارية في دول الخليج، برايفت ليبل من التركيبة إلى رف السوق
نايا معك من أول خطوة: نطوّر لك التركيبة، ونختار المصنع المناسب ليصنّع باسم علامتك التجارية، ونسجّل لك المنتج عند الهيئات المختصة، ونتابع الفسح الجمركي. وبعد الإطلاق نظل مورّدينك للمادة الخام. صار لنا أكثر من ٥ سنوات نطوّر ونستورد منتجات غذائية بالخليج، إدارتنا الرئيسية بالكويت وفرعنا الثاني بالسعودية في الرياض، والحين صار دورك أنت، نسوي لك علامتك التجارية ومنتجاتك الخاصة!
ابدأ الآنشوف المنتجات اللي نصنعها باسمكتواصل معنا على واتساب
أساس شغلنا: تطوير تركيبة وتصنيع منتج غذائي باسمك
شغلنا يبدأ معاك من التركيبة. نسوي لك الفورميلا الأساسية للمنتج اللي تبيه، بالمكوّنات والنسب الصحيحة. بعدها نختار لك المصنع المناسب اللي يقدّم الجودة العالية، من واقع خبرتنا بالمصانع سواء بالخليج أو بشرق آسيا. وبعد ما تعتمد العينة المبدئية من منتجك، نورّد لك المادة الخام على حسب المواصفات اللي طلبتها. كل هذا بمكان واحد، من التركيبة إلى التوريد المستمر.
لمن هذي الخدمة
قبل ما تتواصل ويانا، تأكد إن عندك الأساسيات الأولية عشان تبدأ صح.
هالخدمة تناسبك إذا:
- عندك فكرة منتج غذائي وتبي تطلقه باسم علامتك التجارية، وما تعرف من وين تبدأ.
- عندك محل أو شركة أغذية أو متجر إلكتروني، وتبي منتج خاص باسمك بدل ما تبيع منتجات غيرك.
- مو عارف شلون توصل للمصانع الصح، أو التواصل معاهم كان صعب عليك.
- عندك منتج جاهز حالياً وتبي تحسّن تركيبته أو تقلّل تكلفته.
- عندك مطعم أو كافيه أو مصنع غذائي وتبي منتج معيّن يتصنّع لك خصيصاً، مثل صلصة أو خلطة أو بودرة أو مادة خام لاستخدامك الداخلي.
هالخدمة ما راح تناسبك إذا:
- ما عندك سجل تجاري ولا عندك نية تفتحه.
- تبي كميات صغيرة جداً أو استخدام شخصي.
- تبي أحد يبيع المنتج ويسوّقه عنك. احنا نصنع لك المنتج الأساسي، واللي بعده عليك.
طريقة شغلنا: من التركيبة إلى رف السوق
ست خطوات واضحة.
مكالمة تعارف أو استشارة مجانية أولى، ١٥ دقيقة
تقول لنا عن الفكرة اللي ببالك، ونقول لك إذا نقدر نسويها أو لا.
الدراسة
نسلّمك تفاصيل مبدئية عن مواصفات المنتج، التكلفة التقديرية واصلة لعندك، متطلبات تسجيل المنتج، والمدة الزمنية التقريبية. كل شي واضح معاك من البداية قبل ما تدفع أي شي.
التركيبة
إما نرشّح لك وحدة من تركيباتنا الجاهزة والمجرّبة، أو نطوّر لك تركيبة جديدة من الصفر، على حسب منتجك وفكرتك.
العينات والمصنع
نختار المصنع المناسب وعالي الجودة من شبكة مصانعنا بالخليج وشرق آسيا أو دول العالم، ونطلب العينات ونجرّبها معاك بالطعم والشكل إلى أن توافق.
التسجيل والتخليص
نجهّز ملف المنتج كامل: المواصفات والملصق والشهادات وحتى شكل العبوة الخاصة فيك، ونقدّمه للجهات المختصة ونتابع التسجيل خطوة بخطوة إلى أن تستلم بضاعتك.
التوريد المستمر
بعد الإطلاق أو اعتماد المنتج، نظل مورّدينك للمادة الخام أو المنتج نفسه. وكل ما احتجت، نجهّزها بنفس المواصفات اللي اعتمدتها بدون أي تغيير.
شنو اللي علينا وشنو اللي عليك
توزيع الأدوار من البداية عشان ما يصير خطأ.
اللي نسويه احنا
- دراسة المنتج ومواصفاته وتكلفته التقديرية.
- تطوير التركيبة أو التعديل عليها، أو ترشيح تركيبة جاهزة.
- اختيار المصنع وإدارة التوريد معاه.
- التفاوض على السعر وشروط الدفع.
- مواصفات المنتج وتسجيله في الجهات المختصة.
- الشحن والتخليص الجمركي.
- توريد المادة الخام أو المنتج بعد الإطلاق.
اللي عليك
- السجل التجاري والترخيص.
- اسم العلامة التجارية والهوية البصرية وطريقة التعبئة.
- التسعير والتوزيع والتسويق.
- الدفعات حسب الجدول المتفق عليه.
بعض من المنتجات الغذائية اللي اشتغلنا عليها واللي نقدر نسويها
عندنا تركيبات جاهزة ومجرّبة نقدر نطلقها باسم علامتك التجارية مباشرة بدون تطوير ولا انتظار شهور، وعندنا تركيبات نطوّرها لك من الصفر. هذي بعض المنتجات الغذائية اللي اشتغلنا عليها خلال الـ٥ سنوات الماضية:
- المحليات الطبيعية وبدائل السكر بأنواعها، مثل المحليات البودرة والسائلة والخلطات الخاصة.
- بودرة البروتين بأنواعها وبنكهات مختلفة، بروتين نباتي وحيواني، وهي من المكمّلات الغذائية اللي نصنّعها باسم علامتك التجارية.
- خلطات الماتشا والمشروبات الجافة بأنواعها.
- الكولاجين وخلطات الكولاجين بأنواعه: كولاجين العظم، والحيواني، والبحري.
- الصلصات الخالية من السكر مثل الكاتشاب والباربكيو.
- خلطات المخبوزات الجاهزة.
- وغيرها الكثير من المنتجات. وتقدر كذلك تتصفح كل منتجات نايا للجملة.
ومو شرط تكون علامة تجارية تبيع بالرفوف. لو عندك مطعم أو كافيه أو مصنع غذائي وتبي منتج خاص فيك لاستخدامك الداخلي، نصنّعه لك بنفس الطريقة وبنفس الجودة.
وإذا عندك منتج معيّن ما ذكرناه بالقائمة، ناقشنا فيه ونشوف قدرتنا عليه، ونقول لك إذا نقدر نطوّر الفورميلا أو لا.
تفاصيل كل تركيبة من مكوّنات وتكلفة وأقل كمية توصلك بعد ما نحدد التفاصيل بمكالمتنا الأولى.
أسعار تطوير وتصنيع منتجك الخاص
تتحدد بعد ما نعرف كل التفاصيل.
١٥ دقيقة، ونقول لك بوضوح إذا نقدر نساعدك ولا لا.
فيها رسوم تتحدد بعد المكالمة الأولى، وما تدفع شي قبل ما توافق عليها.
شامل تجهيز العينات، وعدد الجولات يتحدد بالاتفاق. والتركيبات الجاهزة من المنتجات اللي صنعناها قبل تكون رسومها أقل.
يتحدد بعد المكالمة الأولى.
أسئلة متكررة عن تصنيع منتج غذائي باسمك
شكثر ياخذ وقت تطوير أو صناعة الفورميلا وطلب العينة؟
يعتمد على المنتج، وعلى متى تبي تطلقه. تطوير الفورميلا ياخذ تقريباً من شهرين إلى ٤ شهور، شامل تجهيز العينة وغالباً جولتين للعينة.
أقل كمية لتصنيع المنتج كم؟
الحد الأدنى للطلب يختلف حسب المنتج والمصنع. كل هذا يتحدد بعد المكالمة الأولى، وعلى حسب طبيعة المنتج اللي تبيه بالضبط وطريقة تعبئته والشكل النهائي له.
التركيبة تصير ملكي؟
إذا كانت التركيبة مخصّصة لك، فهي حصرية لك واحنا نورّد لك المنتج. وإذا حبيت تتملك تفاصيل التركيبة، نتفق على سعر التملك ونوقّع العقد.
تعطون نفس التركيبة لأحد ثاني؟
أي تركيبة تاخذها تكون حصرية لك في سوقك وفئتك طول فترة الاتفاق، يعني ما نعطيها لمنافس لك بنفس السوق والفئة.
تصنعون المنتجات بنفسكم؟
على حسب طبيعة المنتج. فيه منتجات نقدر نسويها عندنا، وفيه منتجات عند مصانع نتعامل معها من سنين في منطقة الخليج وشرق آسيا.
أقدر أستورد باسمي؟
إذا عندك ترخيص استيراد، تقدر تستورد باسمك واحنا نجهّز لك الملف والمواصفات والتنسيق مع المصنع. وإذا ما عندك ترخيص، نستورد لك ونوصّل البضاعة عندك. نحدد الأنسب لك بالمكالمة الأولى.
أي دول تغطون؟
نشتغل بدول الخليج كلها: الكويت والسعودية والإمارات وقطر وعُمان والبحرين. وعندنا موقعين: الإدارة الرئيسية بالكويت، والفرع الثاني بالسعودية في الرياض. وكل دولة لها متطلبات تسجيل مختلفة، ونوضحها لك بالدراسة.
ابدأ بمكالمة
عبّي النموذج وبنرد عليك خلال يوم عمل ونتفق على موعد المكالمة.
عندك سؤال سريع قبل ما تعبّي النموذج؟